اغنية حزينة جدا عن #شهداء_المنيا بتحكي الواقع - كلام وبس - كلمات وادء القبطان
مكتوب في الاخبار انه تم ضرب نار
وماتت ناس كتير ومات كمان اطفال
سبب القتل الدين مختلف وقتلوهم في النهار
انت مش بتنصر دينك ودينهم مش هينهار
وناس كتير بتكتب في الميديا 100 حوار
هنحارب التطرف والحداد هيكون شعار
والدولة بتدين الحادث وتشعر بالمرار
والحادث يتكرر تاني ..والمسلسل في استمرار
شهداء كتير بتموت بلاش تقول شهيد
اصل اللي مات ده كافر في النار هيكون اكيد
طب انت مش ربنا سيب الحكم ليه لوحده
اللي مات يحاسبه ربه انت ليه ياعم تحاسبه
ظهرتوا ع الشاشات طب حاسبوا علي كلامكم
طب ليه تكفر غيرك انت الحكم يلا حكم
لو دينك قالك كفرة ..سيبك ربك اللي يحاكم
القتل بدم بارد.. والكره خلاص اتمكن
البقاء لله ...الانسانية ماتت
شغل عدادك قولي.. كام حادثة عدت فاتت
كلام كتير اتقال ولا حاجة منه صابت
مش هصدق اي حاجة غير لو الدولة تابت
شهداء كتير بتموت ضحابا ابرياء
في مرض في العقول والمرض اصبح وباء
اللي عملته مش انتصار اللي عملته ده غباء
في التاريخ اقرا وفكر اللي فكر منتهاش
فيرس بيصيب النفس مش هتشوفه مبيتشافش
وناس كتير اتصابوا بس محدش فيهم حس
الاعراض قتل المختلف وياريت متستغربش
والعلاج نعلن حداد .. حبة كلام وبس
كلمات واداء
القبطان صابر المصري
شروط التعليق إظهار محول الاكواد إخفاء محول الاكواد إظهار التعبيرات إخفاء التعبيرات